*குளோபல் வார்மிங்* - உண்மையா கற்பனையா?

கோடைகாலம் இதோ வந்துவிட்டது மிக அருகமையில், நம்மில் எல்லோருமே உயிரை கையில் பிடித்துக் கொண்டு எப்படியாவது இந்த கோடையை "Heat Stroke" எதுவுமில்லாமல் கடத்தி விட வேண்டும் என்று கவலைப்படலாம். சரி, ஒரு ஐம்பது வருடங்களுக்கு முன்பு நாம் இப்படித்தான் இந்த வெப்ப தகிப்பில் சிக்கி மூச்சு முட்டுமளவிற்கு வாழ்ந்தோமா என்றால், யோசிக்க வைக்கிறது. இல்லையா?

நாம் கொஞ்சம் சீரியசாக விசயத்துக்குள் செல்லுமுன்னர் எனது கீழ் கண்ட சுட்டியில் சென்று உலகமயமாக்கல், மக்களின் எண்ண மாற்றம், அதனை தொடர்ந்து இயற்கை விடும் பெரும் மூச்சு இவைகளை பற்றிய ஒரு சிறிய தொகுப்பு இங்கே இருக்கிறது... "இயற்கைச் சீற்றம்..."

கடந்த வருடம் ஃபிரான்சில் நூற்றுக்கணக்கனோர் கடும் சூட்டு அலைகளால் பீடிக்கப்பட்டு இறந்து போனதை அறிந்திருக்கக் கூடும். அதில் பெரும்பான்மையினர் சீனியர்கள்தான். இத்தனைக்கும் ஃபிரான்சு டெம்பரேட் நாடுகளில் ஒன்று. கோடையிலும் கூட 80 லிருந்து 90 டிகிரி தான் இருந்திருக்க வேண்டும். ஆனால், இப்பொழுது நிலைமையோ தலை கீழாக இருக்கிறது. கோடை காலங்களில் இப்பொழுதெல்லாம் 100 டிகிரியை பாதரச முட்கள் அதிகமாக தொட்டு வருகிறதாம். பூமி பந்து முழுதுமே!

சரி இந்த வெப்பம் ஏற்றம் எங்கிருந்து வருகிறது? திடீரென்று நமது சூரியன் தனது வெப்பமேற்று திருகானைத் திருகி கொஞ்சம் வெப்பத்தை அதீத படித்துக் கொண்டதோ? இல்லை பூமி தனது சுற்றுப் பாதையிலிருந்து நகர்ந்து தன்னை சூரியனுக்கு அருகமையில் அமர்த்திக் கொண்டதா? அதுவுமில்லை, இதுவுமில்லை. அப்படியெனில் என்ன நடக்கிறது. நீங்களும் நானும் நம் எண்ண ஓட்டத்தில் ஏற்படுத்திக் கொண்ட மாற்றங்கள்தான் இந்த "வெப்ப சூடேட்ற்றதிற்கு" முழுக் காரணமும். எப்படி?

இதில் உலகமயமாக்கல் என்ற மாபெரும் அசுரனின் பங்கு பல மடங்குகள். எல்லாருக்கும் எல்லாம் கிடைக்க வேண்டும், எல்லோரும் எல்லா வசதிகளுடன் டாம் பீம்மென்று எப்படி மற்றவர்களை போல சிந்தனையற்று சுயநலத்துடன் வாழ்வு முறையை அமைத்துக் கொள்கிறார்களோ, அதே போன்று தாங்களும் வாழ வேண்டுமென தனது சீதோஷண நிலைக்கு ஒவ்வாத விசயங்களையும் பின் தொடரும் முனைப்பு, இது போன்ற எத்தனையோ சுய சிந்தனையற்ற செயல்கள்.

எத்தனை நாட்கள் நாம் கண்மூடித்தனமாக நம் பார்வைக்கு அப்பால் தானே ஏதோ நடக்கிறது என்று விடும் அத்தனை நச்சு புகைகளையும் இந்தப் பூமிப் பந்து தாங்கி நம்மை எடுத்துச் செல்லப் போகிறது? இன்று சீனா மற்றும் இந்தியா போன்ற அதி வேகமாக வளர்ந்து வரும் நாடுகளில் பெட்ரோலியத்தை நம்பி ஓடும் வாகனங்களை பெருக்குவதில் ஒரு அசைக்க முடியா வாழ்வின் முற்றாக அந் நாட்டு குடும்பங்களிடையே பல்கி பெருகி வருகிறது.

நாம் அங்கே எட்டும் முன்பே இந்த வளர்ந்த நாடுகள் அடித்த அட்டுழீயத்தால் "green house gases" நமது வாயு மண்டலத்திற்கு மேலே தொங்கியபடி சூரியனிலிருந்து பூமிக்கு வரும் வெப்பத்தினை வடி கட்டி அனுப்பாமல் (ஒஷொன் அழிவால்) அப்படியே அனுப்பி விடுகிறது. அவ்வாரு வரும் வெப்பம் இங்கு உள்ள நீர் நிலைகளும், திறந்த வெளி புல் மைதானங்களும், காடுகளும் கிரகித்து கொண்டது போக மீதம்முள்ள வெப்பம் திரும்பவும் வாயு மண்டலத்திற்கே அனுப்பபட்டு நமது மண்டலத்திலிருக்கு வெளியே சென்று கொண்டிருந்தது.

ஆனால், இன்றைய சூழலில் திறந்த வெளி புல் மைதானங்கள் அனைத்தும் வியாபார மையங்களாகவும், வாகன நிறுத்துமிடமாகவும், கான்கீரிட் காடுகளாகவும் ஆக்கப் படும் நிலையில் பூமியை தாக்கும் முழு வெப்பமும் கிரகிக்க முடியா சூழலில் அவ்வெப்பம் ஒரு கண்ணாடி பிம்பத்தில் அடிக்கப்பட்ட ஒளி கற்றை மறு பிரதிபலிக்கப்படுவது போல் திரும்பவும் தனது முழு வீச்சில் அவ்வெப்பம் நமது atmosphere_க்கே திரும்பச் செல்கிறது. அவ்வாறு செல்லும் வெப்பம் மீண்டும் அந்த green house gas-களால் தடுக்கப் பட்டு நமது outer atmosphere-க்கு போக விடாமல் தடுத்து மீண்டும் நமக்கே, திருநெல்வேலி அல்வாவாக கொடுக்கப் பட்டுவிடுகிறது, ப்ளஸ் புதிதாக நுழையும் வெப்பமும் சேர்த்து சாகுட மனுசாதான்.

இப்படி நாமே நம் பூமிப் பந்தை ஒரு அடுப்பாங்கரையில் வைத்து சூடு படுத்திக் கொள்வது போல சூடேற்றம் பண்ணிவருகிறோம். இதன் விளைவு, நான் முன்பு கொடுத்த சுட்டியில் எழுதியிருந்ததின் பொருட்டே கணக்கிலடங்கா இயற்கை பேரழிவுகள் தான் விளைவு.

தொடர் வறட்சி, தொடர் வெள்ளம், சூறாவளிகள், கடல் மட்ட உயர்வு அதன் பொருட்டு காணாமல் போகும் தீவு கூட்டங்கள் மற்றும் கரைகள் தோரும் கடல் நீர் ஆக்ரமிப்பு, குடி நீர் வற்றி போதல், புதுப் புது நோய்களை உருவாக்கும் வைரஸ்கள் மற்றும் பாக்டீரியக்கள் பல்கி பெருகும் வாய்ப்பு. இப்படி சங்கிலி தொடர் போன்ற விளைவுகள்.

ஆனால் நம் கண்ணுக்கு முன்னால் நிற்கும் அத்தனை அதி நவீன பொருட்களுமே சுற்றுப் புறச் சூழலை பாதிக்கும் நச்சை கக்கிகொண்டிருக்கிறது. அப்படின்னா என்னதான்ட தெகா பண்ணச் சொல்ற அப்படீன்னு என்ன பாத்து கத்துறது என் காதுகளில் சீரிப் பாயும் கார்களின் ஒலிகளுக்கிடையே கேட்கத்தான் செய்கிறது. என்ன செய்வது, பெட்ரோல் அரிதாகிக் கொண்டுவரும் இக் காலக் கட்டத்தில் கொஞ்சம் பொறுப்புணர்வுடன் ஏன் எதற்காக நாம் இக் காரியத்தையும் செய்கிறோம் இதற்கு மாற்றாக இயற்கை நட்போடு அக் காரியத்தை செய்து முடிக்க முடியுமா என்று எண்ணலாம்.

அமெரிக்கன் அப்படி வாழ்கிறானே நான் வாழ்ந்தால் என்ன என்று சிந்திக்கும் நாமும் அவர்களை போன்று நம் மூளையை அடகு வைத்து விட்டு "கார்பரெட்" நிறுவனங்கள் என்ன சொல்கிறதோ அதனையே கண்களை கட்டிக் கொண்டு பின் தொடர வேண்டுமென அவசிய மில்லை. நாம் இருப்பதோ "tropical zone"-னில் என்பதனை மறந்து விடக் கூடாது. வெப்பம் ஒரு 2-4 டிகிரி ஏறிவிட்டால் கூட நாம் வெளியெ தலை காட்ட முடியாதப்பூ.

இரண்டாவது பதிவு இங்கே ... *அருணகிரி - குளோபல் வார்மிங் - தெகாவின் பதில்*