*ஆளவந்தான், கமல்----பரிணாமம்*

இதுவும் ஒரு மீள்பதிவே, காரணம் என்னுடைய நீண்ட தலைப்புகள் கொஞ்ச நாட்களாக, ப்ளாக்கர் டேட்டபேஸ்லிருந்து காணமல் போயிக்கொண்டிருந்தது. இப்பொழுது டார்வினிய கொள்கையை நம்ம நாதர் விளக்கி கூறியதற்கு பிறகு "தகுதி உள்ளது மட்டுமே தப்பிப் பிழைக்கும் என்ற" கூற்றின் படி தப்பிப் பிழைக்க எத்தனிக்கும் ஒரு முயற்சியில்...இக் கட்டுரையை தூசி தட்டி அலமாரியிலிருந்து எடுத்து உங்களுக்காக...

சரி, ஆளவந்தான், கமல்---பரிணாமம் அப்படின்னு ஒரு குத்து மதிப்பா ஒரு தலைப்ப வச்சியிருக்கியே கமலுக்கும் பரிணாமத்திற்கும் என்ன சம்பந்தம் தெகா, அப்படின்னு கேக்கிறீங்க இல்லையா. நாம ஊரு படங்கள் இன்னமும் நாலு சுவத்துகுள்ள நடக்கிற கூத்த விட்டு வெளியே வருவேனா அப்படின்னு அடம் பிடிச்சிக் கிட்டு இருக்கிற சூழ்நிலையிலெ கமல் நம்ம மல்லுக் கட்டி அடுத்தக் கட்டத்துக்கு இழுக்கப் பார்க்கிறார், இல்லையா?

இத வந்து ஒரு 40 ஆயிரம் வருடங்களுக்கு முன்பு ஐரோப்பா கண்டத்தில் மட்டும் ஒரு தனி மனித இனமாக வாழ்ந்த வந்த "நியண்டர்தால்" களிடமிருந்து நாம் "ஹோமோ சாபியன்ஸ்" சற்று உயர்ந்த நிலையில் இருந்து கொண்டு அவர்களை காணமலோ அல்லது நம்முடன் கலக்க வைத்தோ நம் இருத்தலை ஊர்ஜிதப்படுத்திக் கொண்டோமல்லவா. அது போலவேத்தான் கமல் நமது சமுதாயத்தில் நடத்தும் போரட்டமும் என்பது என் கருத்து...

கமல் போன்றவர்கள் தப்பிப் பிழைத்து அடுத்தக் கட்டத்திற்கு சென்று விடுவார் அவர் அன்று இல்லா விடினும். ஏன் என்றால், மீடியாவின் மூலமாக அறிவியல் அருமையான கலவை அல்லவா?

இதோ இங்கு அந்தப் பதிவு...

நானும் நேற்று "அன்பே சிவம்" இரண்டாவது முறையாக அனுபவித்து பார்த்தேன். கமல் போன்றவர்கள் நம்மிடையே மிக்க திறமைகள்லிருந்தும் சரிவர புரிந்துகொள்ளப்படாமல் சிரிதே அங்கீகரிக்ப்பட்டுள்ளார். காரணம் வெளிவேசம் போடத்தெரிந்தும் எதார்த்த வாழ்வோடு இருப்பதால்தானோ என எனக்குப் படுகிறது.

"ஆளவந்தான்" நம்மில் பல பெயருக்குப் புரியாமல் போனதற்கு காரணம், அவர் அக்கதையில் வரும் சிறு வயது கமல் "physical and emotional-abuse"-க்கு ஆட்பட்டு போனதால் அதுவே ஒரு மன நோயாக பின்பு வளர்ந்து (Dissociated Identity Disorder-DID_போன்று) அவர் காணும் காட்சிகள்யாவும் மனத்திரையில் snap shots மற்றும் flash back, hallucinations_களாகவும் Animation உயிர்பெற்று விரிவடைவதாகவும் காட்டும்பொழுது புரிந்து கொள்வதில் சற்று சுனக்கம் ஏற்படக் காரணமாக அமைந்தது.

அது போன்ற விடயங்களை நாம் படித்தோ அல்லது கேள்விபட்டிருக்கவோ வாய்பில்லமால் போனதாக இருக்கலாம் (its a sheer lack of awareness in our side_I believe Kamal is always a bit advanced for our standard). அது கமலின் குறை கிடையாது, நம்மின் பின்தங்கிய அறிவு சார்பே! அது போன்ற விடயங்களை காட்சிகளாக திரையில் எளிமைபடுத்தி எல்லோருக்கும் புரியும் வண்ணம் வழங்கியிருக்கிறார். என்னைப் பொருத்தவரையில் கமல் எடுக்கும் ஒவ்வொரு முயற்சியும் சமூதய அக்கறையுடன் எடுக்கப் படுவதாக தோன்றுகிறது. அவைகள் இன்று புரிந்துகொள்ளபடாமலிருந்தாலும் ஒரு நாள் எல்லோராலும் கவனிக்கப்படும்.

ஆளவந்தான் படத்தை இது போன்ற ஒரு DID உள்ள ஒருவருடன் பார்க்க நேர்ந்தது படம் பார்த்துவிட்டு வெளிவரும் பொழுது அவர் கேட்ட முதல் கேள்வி இதெல்லாம் எப்படி கமலுக்கு தெரியும். பிறகு "கடவுள் பாதி" பாடலை அவர் கேட்க விரும்புவதில்லை ஏனெனில் அவருக்கு அது flooding flashbacks-களை கொணவர்தால். புரிகிறதா, என்ன சொல்லவருகிறென்னென்று இதெல்லாம் educational awareness என்று.