தீயணைப்புவண்டியும் குடிகார மனிதனும்

நேத்து ஒரு காமெடிங்க இங்க நான் இருக்கிற இடத்திலே. எப்பப் பார்த்தாலும் இந்த ரெண்டு தம்பதிகளும், அதான் அந்த ஆம்புலன்ஸ்-தீயணைப்பு வண்டி சும்மா...வய்ங்...வய்ங்..வய்ங்னு போர்க்கல அடிப்படை வேகத்திலே போறத, நான் குப்பை கொட்டிகிட்டு இருக்கிற ஹைவே பக்கத்திலேருந்து பார்த்துகிட்டே இருக்கலாம்.

நேத்து என்னாகிப் போச்சுன்ன, என் மக்கள் எவ்வளவு தூரம் கடமையில் கண்ணாக இருக்றாங்க அப்படின்னு க்ளோஸ் அப்பிலருந்து ஒரு சீனு பார்த்தேன்... அதெ மத்தவங்களும் பார்த்தும் எல்லா இடத்திலேயும் காத்து வர மாதிரி ஒரே சிரிப்புத்தான் போங்க.இந்தாங்க கதை.

ஒரு சிவப்புக் கழுத்தன் (Red Neck) படிக்காத, பாமரத்தனமான வெள்ளைக்காரன இப்படித்தான் இங்க கூப்பிடுறாங்க...அதோட மொழி பெயர்பு தெகாவோடது, கண்டுக்காதீங்க. அந்த கழுத்தன் நெறைய குடிச்சுப்போட்டு சவமாட்டம் விழுந்து கிடந்துருக்கிறான், ஒரு கடை வாசல் முன்னாலே.

மக்கள் அரண்டு போய் 911னெ கூப்பிட முதலில் ஒரு போலிஸ் காரர் வந்து முகத்தில் சுளீர்ரென்று ஐஸ் வாட்டர் அடிச்சு எழுப்புனப்ப கண்டுபிடிச்சுட்டார் தலைவரு தண்ணியில் மிதக்கிறாருன்னு. அப்புறம் என்னங்க நியாயம சுய புத்தி உள்ள ஆட்கள் பண்ணுவாங்க.

நம்ம சிட்டிசன யோவ் ஏய்யா இப்படி பண்றெ ஒழுங்க வீடு போய்ச் சேருய்யான்னு, நம்மூரு காவல் தெய்வங்கள இருந்தா அவருக்கு அங்கேயே தீர்ப்பு வழங்கி அவர அனுப்பிச்சு வச்சுருப்பாங்க இல்லியா.

ஆனா, இந்த ஆபீசர் அடிச்சாரு ஃபோன எவன் வீட்டு காசு, உடனே ஒரு ஆம்புலன்சு, அதனை தொடர்ந்து ஒரு தீயணைக்கும் வண்டி, கதறிகிட்டு வருது அந்த செனேடர காப்பாத்தி உயிர் பிழைக்க வைக்க. அந்த ஆளு அப்பவே எழுந்து நின்னு ஒரு தம்மு வேற நம்ம அறிவுக் கொழுந்து ஆபீசருக்கிட்ட இருந்து நெருப்பு பெட்டி வாங்கி அடிச்சுக்கிட்டு இருக்காரு.

இந்த சூழ்நிலையில் அந்த ரெண்டு வண்டியும் வந்துச்சு, தீயணைப்பு வண்டி ஒரு ரவுண்ட் வுட்டுட்டு போயிடுச்சு. ஆம்புலன்ஸ் ஆட்கள் மட்டும் கொஞ்ச நேரம் பேசிகிட்டு இருந்துட்டு, அந்த ஆள ஏத்தி உட்கார வைச்சுகிட்டு போயிட்டாங்க. அனேகமாக வீட்டுல கொண்டு இறக்கி விடுவாங்கன்னு நினைக்கிறேன்.

எப்படியோ, நம்ம சிவப்பு கழுத்தனுக்கு பில்லு, ரெண்டு வண்டியும் வந்துட்டு போனதுக்கு தீட்டிபுடுவாங்க. அவங்களுக்கும், அன்னிக்கு எவ்வளவு ஆக்டிவ்வா டூட்டி எல்லாம் பார்த்தோம்னு ஆகிப்போச்சு.

இப்படி இருந்த இவனுங்க எப்படியா விளங்குவானுங்க. அப்புறம் ஏன் காற்று மாசுபடாது, வெப்பம் ஏறாது. ஒரு கவ்வொதி பயலுக்கு தீயணைக்கிற வண்டி. சிரிக்காம என்னாத்த பண்ணச் சொல்லுறீங்க, சொல்லுங்க.

வளர்ந்த நாடுன்ன சும்மாவா?